Жаңалықтар


19.10.2021 «Физиология без границ» халықаралық қауымдастық мәжілісінде TPCBL әдісі таныстырылды

2021 жылдың 15 қазанында «Физиология без границ» атты Халықаралық қауымдастық мәжілісінің аясында қалыпты физиология кафедрасының меңгерушісі профессор Хамчиев К.М. теория, практика және клиника үшбірлікке негізделген, TPCBL өзіндік түпнұсқа инновациялық әдісін презентациялады.


18.10.2021 Астана медицина университетінің студенттерінің Enactus командасы Enactus әлем кубогының жартылай финалына өтті!
Астана медицина университетінің студенттерінің Enactus командасы Enactus әлем кубогының жартылай финалына өтті! Біз команданы осы жетістігімен шын жүректен құттықтаймыз! Бұл тек университет үшін ғана емес, бүкіл ел үшін үлкен белес. Мұндай оқиға соңғы 20 жылда бірінші рет болып отыр. Біз студенттерге белсенділіктері, табандылықтары, үздік жетістіктері мен алға ұмтылуы үшін алғыс айтамыз. Enactus AMU-ға алдағы додада сәттілік пен жеңіс тілейміз!

15.10.2021 ҚҰРМЕТТІ РЕЗИДЕНТТЕР!

Академиялық ұтқырлық бағдарламасы аясында Ташкен педиатриялық медицина университетінде (Ташкент қ.) оқуға резиденттер арасында конкурс жарияланады. Оқу бағыттарымен және конкурсқа қатысуға талаптармен таныс болыңыздар.


13.10.2021 ҚҰРМЕТТІ РЕЗИДЕНТТЕР!

Академиялық ұтқырлық бағдарламасы аясында Әзірбайжан медицина университетінде (Баку қ.) оқуға резиденттер арасында конкурс жарияланады. Оқу бағыттарымен таныс болыңыздар.


12.10.2021 Құрметті әріптестер, «Мейіргер ісі», «Мейіргерлік ғылым» мамандықтарының білім алушылары және осы саламен байланысты барша тұлғалар!

2021 жылғы 14-16 қазан аралығында бүкіл әлемде Erasmus+ күндері өтеді. Іс-шараның шеңберінде қазірдің өзінде 4000-нан астам шара тіркелген. Бұл іс-шараға университетіміз де қатысады. Осыған байланысты Астана медицина университеті «Erasmus + бағдарламасы аясында мейіргер ісін жетілдіру жолдары» атты дөңгелек үстел өткізуді жоспарлап отыр. Барлық «Мейіргер ісі» мамандығының студенттері мен магистранттары, «Мейіргерлік ғылым» мамандығының докторанттары мен мейіргер ісі кафедраларының оқытушы-профессорлары шақырылады.


11.10.2021 Академиялық ұтқырлық бағдарламасы бойынша 2021 жылғы 8 қазандағы конкурс қорытындысы

08.10.2021 жылы академиялық ұтқырлық бағдарламасы аясында Н.И.Пирогов атындағы Ресей ұлттық зерттеу медициналық университетінде (Мәскеу қ.) резиденттерді оқуға жіберуге келесі мамандықтар бойынша конкурс өткізілді: 1. Жұқпалы аурулар - 2 орын, 2. Дерматовенерология - 1 орын, 3. Сәулелік диагностика - 1 орын, 4. Балаларды оңалту - 1 орын, 5. Акушерия және гинекология - 2 орын, 6. Балалар хирургиясы - 1 орын, 7. Балалар офтальмологиясы - 1 орын, 8. Ересектердің бет -жақ хирургиясы - 1 орын, 9. Ересектерге арналған урология және андрология - 1 орын.


08.10.2021 Құрметті әріптестер!

Қоғамдағы әділеттілік пен қызметкерлердің мүдделерін сақтауға жауапты Омбудсменнің функциялары Корпоративтік хатшыға жүктелгенін хабарлаймыз. Данияр Төлеуұлы Ниязғұлов – Астана медицина университетінің корпоративтік хатшысы. Сұрақтар бойынша оған +7 705 292 9099 телефоны арқылы хабарласа аласыз, email: niyazgulov.d@amu.kz, 309 кеңсе (бас ғимарат).


08.10.2021 Фармацевтикалық пәндер кафедрасында академиялық мобильділік
2021 жылғы 25 қыркүйек пен 10 қазан аралығында Астана медицина университетінің фармацевтикалық пәндер кафедрасында PhD доктор, С.Д. Асфендиярова атындағы Қазақ ұлттық медицина университеті Фармация мектебі фармацевтикалық технология кафедрасының қауымдастық профессоры Ғалия Саруарқызы Ибадуллаева академиялық ұтқырлықтан өтіп жатыр. «Фармация» мамандығының күндізгі және қысқартылған бакалавриат бағдарламаларының студенттері «Дәрілік формалар технологиясы» және «Биофармация негіздері» пәндері бойынша практикалық сабақтар алып жатыр.

07.10.2021 Құрметті Астана медицина университетінің студенттері мен қызметкерлері!
Біз 2021 жылғы наурыз және сәуір айларында өткен коронавирустық инфекцияны анықтау бойынша сероэпидемиологиялық зерттеудің 1-кезеңіне қатысқандарды зерттеудің 2-кезеңіне шақырамыз. Екінші кезең тек осы жұма мен сенбіде (8.10-9.10.2021) сағат 9:00-18:00 аралығында өткізілетінін хабарлаймыз.

07.10.2021 «Жаһандану жағдайындағы жұқпалы аурулар: сын-қатерлер мен шешімдер» атты ІІ Республикалық конгресс

Ана құрсағында және адам өмірінің бастапқы кезеңінде қалыптасатын иммундық жүйенің қалыпты жұмыс істеуі, ағзаның жұқпалы және жұқпалы емес ауруларға төзімділігін дамытуға ықпал етеді. Жаңа инфекциялардың, оның ішінде COVID-19 таралуымен байланысты дәлелді медицинаға негізделген емдеу-профилактикалық терапия жүргізілді және бүгін де жүргізіліп келеді. Вакциналық профилактика – вирустармен күресудің тиімді шараларының бірі. Вакцинация қазіргі уақытта пандемия кезінде өте маңызды. Жаңа коронавирусқа қатысты осы және басқа да мәселелер халықаралық қатысумен «Жаһандану жағдайындағы жұқпалы аурулар: сын-қатерлер мен шешімдер» атты ІІ Республикалық конгресте талқыланып жатыр.


06.10.2021 «Мен жауапты донормын» акциясына қатысыңыздар

Қайырлы күн, құрметті студенттер! Ертең, 2021 жылғы 7 қазанда, Қазақстан медицина жастары республикалық қоғамдық бірлестігі Трансфузиология ғылыми-өндірістік орталығымен бірлесе отырып, «Мен жауапты донормын» акциясы аясында «Донор күні» қайырымдылық іс-шарасын өткізгелі жатыр. Қан тапсыру арқылы сіз, ең алдымен, адам өміріне араша боласыз. Бір рет тапсырған 450 мл қан өлім аузында жатқан 3 адамның өмірін сақтап қалады. 1 күннен кейін дайын болатын қан анализінің нәтижесін ала аласыз. Сонымен қатар, қан тапсыруға келген әр донорға Қазмед жастары атынан сыйлық тапсырылады. Ең белсенді донорларға бөлек сыйлық берілетін болады.


05.10.2021 С. Қайырбекова атындағы денсаулық сақтауды дамыту ұлттық ғылыми орталығы онлайн конференцияға спикер ретінде қатысқаны үшін Л.Г. Макалкинаға алғысын білдіреді

Қазақстан Республикасы Денсаулық сақтау министрлігінің «Салидат Қайырбекова атындағы денсаулық сақтауды дамыту ұлттық ғылыми орталығы» ШЖҚ РМК «Қазақстанның Денсаулық сақтау саласы: сын-қатерлер, мүмкіндіктер, болашаққа бағдар» онлайн конференциясына сессияның Спикері ретінде қатысқаныңыз үшін Лариса Геннадьевна Макалкинаға шынайы алғысын білдіреді. Іс-шара Мемлекет басшысының 2021 жылғы 1 қыркүйектегі Қазақстан халқына Жолдауының «Денсаулық сақтау жүйесінің тиімділігін арттыру» негізгі бағытын іске асыру шеңберінде Ұлттық денсаулық сақтау жүйесін дамыту жолдарын талқылауға бағытталған. 


04.10.2021 Ұстаздар күні және Аға буынды құрметтеу мерекесі аясында еңбек ардагеріне алғыс
Профилактикалық медицина және тағамтану кафедрасы Ұстаздар күнін және Аға буынды құрметтеу күнін тойлау шеңберінде кафедраның бұрыңғы лаборанты Назипа Жакупбаековна Кукшебаеваға шын жүректен алғыстарын айтып, сыйлық тапсырды. Кукшебаева ханым кафедрада жұмыс жасап жүріп, зейнетке шықты. Ол кісіні ұжымдағы қызметкерлер мереке-мейрамдар да құттықтап, денсаулығын сұрап аман-сәлем жасап тұрады. Қарттар күніне қарай кафедра қызметкерлері Назипа ханымға мықты денсаулық, ұзақ ғұмыр тілеп, мерекемен тағы да құттықтады.

04.10.2021 Еңбек ардагеріне көмек
2021 жылғы 2 қазанда "Мейіргер ісі" және "Қоғамдық денсаулық және менеджмент" факультеттерінің қызметкерлері мен студенттері Халықаралық қарттар күнінде Еңбек ардагері Вера Антоновна Подзывалованы құттықтап, зейнеткердің шаруашылық-тұрмыстық істеріне көмек көрсетті. Ер-азаматтар көкөніс бақшасын қазуға, ал қыздар үй шаруашылығына көмектесті.

27.09.2021 ҚҰРМЕТТІ РЕЗИДЕНТТЕР!
Академиялық ұтқырлық бағдарламасы аясында Н.И.Пирогов атындағы Ресей ұлттық зерттеу медициналық университетінде (Мәскеу қ.) оқу үшін конкурс жарияланады. Оқу мерзімі: 2021 жылғы 15-26 қараша. Шақырушы жоғары оқу орны жатақхана және күніне бір рет түскі ас ұсынады. ӨТІНІМДЕР 27.09 - 06.10.2021 ж. Интернатура мен резидентура орталығында қабылданады.

27.09.2021 TPCBL білім беру технологиясының презентациясы өткізілді

2021 жылғы 23 қыркүйекте «Астана медицина университеті» КеАҚ қалыпты физиология кафедрасында, қалыпты физиология, қалыпты анатомия және хирургиялық аурулар кафедраларымен бірлесіп әзірленген TPCBL (theory, practice and clinic based learning) білім беру технологиясының презентациясы өткізілді. Бұл жаңа, бірегей әдістеме – теориялық, практикалық және клиникалық дағдыларды біріктіруге негізделген оқыту түрі болып табылады.


24.09.2021 «Зертханадағы техника қауіпсіздігі» пәні бойынша олимпиада өткізілді
Қыркүйек айының 23-ші жұлдызында «Қоғамдық денсаулық және гигиена» және «Қоғамдық денсаулық және эпидемиология» кафедрасының оқытушылар құрамының басшылығымен «Зертханадағы техника қауіпсіздігі» пәні бойынша олимпиада өткізілді. Шараның негізгі мақсаты – студенттердің «Зертханадағы техника қауіпсіздігі» пәні бойынша 1 ай көлемінде алған білімдерін шыңдау болатын. Бәсекелістік арқылы сапаға қол жеткізуге болатындығын ескере отырып, «Жалпы медицина» факультетінің 219, 230, 223, 252, 254, 221, 229 топтары арасында шара олимпиада форматында өткізілді.

24.09.2021 «Медициналық білім беру саласындағы PBL инновациялық әдістемесі» тақырыбында семинар аяқталды
2021 жылғы 20-24 қыркүйек аралығында Білім беру және қашықтықтан оқыту технологияларын трансферттеу орталығының ұйымдастыруымен проблемаға бағыттап оқыту жөніндегі тьютер, қалыпты физиология кафедрасының меңгерушісі Хамчив Курейщ Мавлович «Медициналық білім беру саласындағы PBL инновациялық әдістемесі» тақырыбында семинар өткізді. Семинар соңында тыңдаушыларға біліктілікті арттыру туралы куәліктер берілді.

22.09.2021 World Cleanup day 2021 аясындағы қайырымдылық акциясы
World Cleanup Day 2021 Дүниежүзілік тазалық күні аясында «АМУ» КеАҚ «Қоғамдық денсаулық сақтау және эпидемиология» кафедрасының қызметкерлері және «Жалпы медицина» факультетінің 4 курс студенттері қайырымдылық акциясын өткізді. Олар жалғызбасты зейнеткерге үй шаруасына көмектесті. 9 жас жігіттен тұратын топ арнайы құралдардың көмегімен бақтағы құрғақ шөптерді жинап, қоқыс орындарына шығарды, ағаштардың ескі бұтақтарын кесті.

17.09.2021 «Stop COVID-19» үздiк бeйнe-challenge байқауы
Нұр-Сұлтан қаласының Жастар саясаты маселелерi басқармасы «Stop COVID-19» үздiк бeйнe-challenge байқауы өткiзiлетiндiгiн хабарлайды. Байқау ағымдағы жылдың 5 тамыз – 5 қазан аралығында өткiзiледi. Оған елорданың орта арнаулы (колледждер) және жоғары оқу орындарының кәмелетке толған студенттері қатыса алады. Елорданың орта арнаулы (колледждер) және жоғары оқу орындарының кәмелетке толған студенттері қатыса алады. Байқау epeжeciнiң-шарттарымен lnstagram @astana_jastary және @ns_jastary парақшалары арқылы танысуға, немесе WhatsApp +77471909693 номірі бойынша хабарласуға болатындығьн мәлiмдейдi. Сайыс жеңімпазы 1 миллион теңге алады. 2-орынға - 300 мың теңге, 3-орынға - 200 мың теңге.

Жаңалықтар 41 - 60 / 2112
Бірінші бет | Алдыңғы | 1 2 3 4 5 6 7 8 9 10 11 12 13 14 15 16 17 18 19 20 | Келесі | Соңғы бет Барлығы