Балалар хирургиясы кафедрасы

Басшылық

Лозовой Василий Михайлович

м.ғ.д. , профессор, кафедра меңгерушісі
Лозовой Василий Михайлович, 1957ж.  туылған,  1980 жылы Целиноград мемлекеттік медицина институтының емдеу факультетін «Емдеу ісі» мамандығы бойынша бітірген. 
Целиноград қаласындағы Облыстық аурухананың хирургия бөлімшесінде интернатурадан өтті. Интернатураны аяқтағаннан кейін Целиноград қаласының Қалалық балалар ауруханасының хирургия бөлімшесіне хирург-дәрігер ретінде жұмысқа қабылданып, 3 жыл қызмет атқарды. 1982 жылы анестезиология және реаниматология бойынша маманданудан өтті. 
1984 - 1987 жылдары – КСРО МҒА педиатрия ҒЗИ (Мәскеу қ.) балалар хирургиясы бойынша аспирантурада оқыды. «Балалардағы созылмалы обструктивті пиелонефрит ағымының әртүрлі кезеңдеріндегі циклдік жүйе көрсеткіштерінің өзгеруінің клиникалық маңызы» тақырыбында диссертация қорғап, аспирантураны ойдағыдай тәмәмдады. Аспирантураны аяқтағаннан кейін Целиноград мемлекеттік медицина институтына балалар хирургиясы кафедрасына ассистент ретінде қабылданды. 
1994ж. балалар хирургиясы кафедрасының доценті, доцент атағы 1995 жылы берілді.
1993 жылдан бастап – № 2 қалалық балалар ауруханасының нефроурология бөлімшесінің, ал 1994 жылдан бастап хирургия бөлімшесінің меңгерушісі. Хирургия бөлімшесін хирургия және урология бөлімшесіне бөлгеннен кейін – урология бөлімшесінің меңгерушісі. 
2002 жылдан бастап – Педиатрия және балалар хирургиясы бойынша ғылыми семинардың және ҚазММА жанындағы медицина ғылымдарының кандидаты ғылыми дәрежесін алу үшін диссертация қорғау жөніндегі Мамандандырылған диссертациялық кеңестің мүшесі. 
2006 жылы медицина ғылымдарының докторы ғылыми дәрежесін алу үшін «Балалардағы жасырын жыныстық мүше  синдромы» тақырыбында диссертация қорғады. 
2007 жылдан бастап ҚазММА балалар хирургиясы кафедрасының профессоры болып жұмыс істейді.  
2008 жылдан бастап – ҚазММА жанындағы Педиатрия және балалар хирургиясы бойынша ғылыми семинардың төрағасы, Астана қ. АБҰҒО жанындағы акушерия, гинекология, педиатрия және балалар хирургиясы бойынша медицина ғылымдарының докторы және кандидаты ғылыми дәрежесін алу үшін диссертация қорғау бойынша Мамандандырылған диссертациялық кеңестің мүшесі. 
2012 жылдан бастап – «Астана медицина университеті» АҚ Балалар хирургиясы кафедрасы меңгерушісінің міндетін атқарушы.
 2013 жылдан бастап – конкурс нәтижесі бойынша Балалар хирургиясы кафедрасының меңгерушісі. 
«АстМУ» КеАҚ-тың хирургиялық мамандықтары бойынша ғылыми семинардың мүшесі.
«Астана медицина университеті» КеАҚ Сенатының мүшесі. 
 2006 жылдан бастап 2019 жылға дейін Нұр-Сұлтан қаласы Денсаулық сақтау басқармасының штаттан тыс балалар бас урологі.  
Жоғары білікті санатты балалар хирургі (тұрақты жұмыс істейтін), балалар урологі – дәрігері сертификаттарына ие. 
ЖОО-ның ғылыми қызметінің белсенді қатысушысы,  бірнеше жылдан бері «АстМУ» КеАҚ студенттік ғылыми конференцияларының қазылар алқасының төрағасы,  «АстМУ» КеАҚ-тың  «Жалпы медицина»  бойынша МББК мүшесі, «АстМУ» КеАҚ  жоғары оқу орынан кейінгі білім беру,  хирургиялық мамандықтар бойынша ғылыми семинарлардың  мүшесі.
Ғылыми және практикалық қызметінің нәтижесі бойынша В.М. Лозовой 193 баспа жұмысын жариялады. Соңғы 5 жылда 40 ғылыми жұмыс жарық көрген,  оның ішінде 12-сі ҚР БҒМ ККСМОН тізіміне енгізілген, 4 – нөлден жоғары импакт факторы бар басылымды жариялады. Барлығы 19 қорғау құжаты бар, оның ішінде соңғы 5 жылда - 9 (өнертабысқа патенттер, зияткерлік меншік туралы куәліктер). В.М. Лозовойдың жетекшілігімен м. ғ. к. 1 диссертация, медицина бойынша PhD философия докторының 3 диссертациясы, үш магистрлік диссертация қорғалды. Қазіргі таңда, медицина бойынша 5 PhD  диссертациялық жұмыстың ғылыми кеңесшісі. 
2012 жылы  Қазақстан Республикасы ДСМ-нің «Денсаулық сақтау iсiне қосқан үлесi үшiн», 2014 жылы – ҚР ДСМ-нің  «Денсаулық сақтау iciнiң үздiгi» төсбелгілерімен марапатталды; 2014 жылы  ЖОО-ның 50 жылдығына орай  «Астана медицина университеті» АҚ-тың төсбелгісімен марапатталды; 2016 жылы Қазақстан халқы Ассамблеясының «Бiрлiк» алтын медалімен марапатталды; 2017-2018 оқу жылының рейтинг қорытындысы бойынша  «ЖОО-ның үздік тәлімгері»; 2020 жылы  «Қазақстан Конституциясына 25 жыл» медалімен марапатталды. 

Кадрлық құрам

Кузьмин Василий Дмитриевич

м.ғ.к., доцент. Кафедраның оқу ісінің меңгерушісі, Ғылыми жұмысқа және ақпараттық қауіпсіздікке; құжаттардың кафедра ішінде және кафедрадан тыс қозғалысына жауапты

Сейдахметов Машрап Зұлхарнайұлы

м.ғ.к., доцент. Резидентура тыңдаушыларына жауапты. (ОЖЖ, силлабустар, КАЖ, емтихан билеттерінің белсенділігін қадағалау). СҒҮ жетекшісі

Лозовая Елена Анатольевна

м.ғ.к., доцент. «Жалпы дәрігерлік практика» мамандығы бойынша 6-шы курс интернатураға жауапты (ОЖЖ, силлабустар, КАЖ дайындығын бақылау, кафедралық журналдың толтырылуын бақылау)

Қасымжанов Асқар Нұрғожаұлы

м.ғ.к., доцент. Тестілердің сапасына, бақылауға жауапты. Травматологиялық емдеу бөлімшесінің емдеу жұмыстарына жауапты

Досанов Болатбек Әлібекұлы

м.ғ.к., доцент. Экологиялық және энергиялық қамтамасыз етілуге жауапты. Докторантураға жауапты

Ерекешов Асылжан Әубәкірұлы

м.ғ.к., қауымдастырылған профессор. Кафедраның емдеу жұмысына жауапты; аралас мамандықтар бойынша резидентураға жауапты (неонатологтар, педиатрлар, жалпы хирургтар)

Досанова Асем Қалелқызы

философия докторы (PhD), доцент. Кафедрада білім беру процесінің инновациялық технологияларына жауапты. Қатыспаған сабақтардың өтелуін бақылауға жауапты

Горобцова Анна Владимировна

Ангелов Александр Владимирович

ассистент. Кафедра профоргі және материалдық құрал-жабдықпен қамтамасыз етуге, кафедраішілік бақылауға, техникалық қауіпсіздікке жауапты

Сүлейменов Жомарт Базарбекұлы

ассистент. Тәрбие жұмысына жауапты

Бураев Ғалымжан Бауыржанұлы

PhD, ассистент. Ғылымға жауапты; «Жалпы медицина» мамандығы бойынша 4-ші курсқа жауапты (ОЖЖ дайындығын, силлабустарды, КАЖ, кафедра журналының толтырылуын бақылау)

Хамитов Медет Куширбайұлы

ассистент. «Жалпы дәрігерлік практика» мамандығы бойынша 6-шы курс интернатураға жауапты (ОЖЖ дайындығын, силлабустарды, КАЖ, кафедра журналының толтырылуын бақылау)

Шарипова Динара Рашидқызы

ассистент. Кафедра хатшысы, кафедра жиналыстарына, жұмыс кестесін бақылауға, жұмыс уақыты табеліне жауапты. Сириус пен АстМУ сайтына келіп түсетін электрондық құжаттаманы бақылауға жауапты

Жукенов Олжас Ақтайұлы

ассистент. Қауіпсіздік техникасына жауапты; кафедрадағы өзара қатысу журналына жауапты; қашықтықтан оқыту порталына жауапты

Құрылу тарихы

1972 жылы Г.Н. Нейковтың жетекшілігімен балалар хирургиясы бойынша доценттік курс ашылды.  
Г.Н. Нейков 1955 жылы Днепропетровск медициналық институтын бітіріп, Целиноград облыстық денсаулық сақтау бөліміне жіберілді. Вишневка аудандық орталық ауруханасында хирург болып жұмыс істеді, кейіннен Целиноград қаласы ауруханасының хирургия бөлімшесін басқарды. 1970 жылы «Балалардағы жіті аппендицит» тақырыбында диссертация қорғады. 
1972 жылы Целиноград мемлекеттік медицина институтының балалар хирургиясы доценттік курсының меңгерушісі болып сайланды. 
1984 жылы «Балалардағы іріңді-сепсистік хирургиялық аурулар кезіндегі  микроциркуляцияның өзгеруі және оларды түзету» тақырыбында докторлық диссертация қорғады. 
1985 жылы Балалар хирургиясы курсы қайта құрылды және Целиноград қалалық балалар ауруханасының клиникалық базасында балалар хирургиясы кафедрасы ұйымдастырылды. Балалар хирургиясы кафедрасының бірінші меңгерушісі профессор Г.Н. Нейков болды. Оған  профессор атағы 1987 жылы берілді. Г.Н. Нейковтың еңбегі жоғары бағаланды:  ҚазКСР Жоғарғы Кеңесінің Құрмет грамотасымен; «Еңбектегі ерлігі үшін» медалімен; «Тың жерлерді игергені үшін» медалімен; ДСМ «Денсаулық сақтау ісінің үздігі» төсбелгісімен марапатталды. Нью-Йорк ғылым академиясының мүшесі болды.  
2000-2001 ж.ж. медицина ғылымдарының докторы Б.С. Орманов кафедра меңгерушісі болды. Ол Алматы медициналық институтын бітірді. 1986 жылы «Балалардағы перитониттер» тақырыбында диссертация қорғады. 1996 жылы «Балалардағы ішектің жабыспалы түйнегі» деген тақырыпта докторлық диссертация қорғады. 1998 жылдан бастап балалар хирургиясы кафедрасында жұмыс істей бастады. 
2001-2012 жылдар аралығында кафедра қызметін медицина ғылымдарының докторы, профессор, ҚР Мемлекеттік сыйлығының лауреаты А.Е. Ерекешов басқарды.  
А.Е. Ерекешов 1970 жылы Алматы мемлекеттік медицина институтының педиатрия факультетін бітірді. КСРО Қарулы Күштерінде әскери дәрігер ретінде қызмет етті. Демобилизациядан кейін ол балалар хирургі болып жұмыс істеді. 1986 жылы «Балалардың тоқпанжілік айдаршығы арқылы және айдаршықүсті арқылы сынықтарын емдеу» тақырыбында кандидаттық диссертация қорғады, сол жылы «КСРО Денсаулық сақтау үздігі» төсбелгісімен марапатталды. 1991 жылдан бастап 1995 жылға дейін С.Д. Асфендияров атындағы ҚазҰМУ Балалар хирургиясы кафедрасының ассистенті, содан кейін доценті болып жұмыс істеді. 1995 жылдан бастап  2001 жылға дейін Алматы қаласы АМДБЖИ балалар хирургиясы курсының меңгерушісі. 1995 жылдан бастап Қазақстан Республикасы Денсаулық сақтау министрлігінің штаттан тыс бас балалар ортопед-травматологі болды. 1999 жылы А.Е. Ерекешовке бір топ ғалымдар жүргізген «Балалар жасындағы травматология мен ортопедиядағы диагностика мен емдеудің жаңа технологиялары» атты 1974-1998 жылдар аралығындағы жұмыстар циклі үшін ғылым, техника және білім беру саласындағы Қазақстан Республикасының Мемлекеттік сыйлығы берілді.  
2000 жылы «Балалардағы тоқпанжілік сынықтарын емдеудің клиникалық-патогенетикалық негіздемесі және жаңа әдістерін әзірлеу» тақырыбында докторлық диссертация қорғады. 2003 жылы профессор атағы берілді. Халықаралық ортопед-травматологтар қауымдастығының (SICOT) және Ресейлік балалар хирургтары қауымдастығының және Халықаралық дәрігерлер қауымдастығының мүшесі болды.
Профессор А.Е. Ерекешовке «КСРО Денсаулық сақтау үздігі» және «КСРО-ның еңбек сіңірген өнертапқышы» атақтары берілді. ҚР Денсаулық сақтау министрлігінің, ҚР Білім және ғылым министрлігінің бірқатар марапаттары мен алғыс хаттарына ие. 2006 жылы А.Е. Ерекешов «Жоғары оқу орнының үздік оқытушысы» Президенттік мемлекеттік грантына ие болды. Оның есімі «Қазақстан ұлттық энциклопедиясы» кітабына енгізілген.
Профессор А.Е. Ерекешовтың жетекшілігімен медицина ғылымдары докторының 1 диссертациясы, медицина ғылымдарының кандидатының 19 диссертациясы қорғалды.  
А.Е. Ерекешовтың редакциясымен қазақ және орыс тілдерінде екі монография және 12 оқу-әдістемелік құрал жарық көрді, балалар хирургиясы мен травматологияның өзекті мәселелері бойынша 200-ден астам ғылыми жұмыс жарияланды, 45 авторлық куәлігі мен өнертабысқа патенті болды.

Мақсаттар

Балалар хирургиясын оқытудың мақсаты – балаларға шұғыл және  жоспарлы хирургиялық көмек көрсете алатын болашақ дәрігерлерді дайындау. Оларға күнделікті дәрігердің практикалық жұмысына қажетті  клиникалық және арнайы диагностикалық әдістерді, дәрігерлік және хирургиялық тәсілдерді үйрету.

Функциялар

- мамандық бағыттары бойынша кафедраның даму стратегиясын құру, жұмыс берушілермен, білім беруді басқару органдарымен өзара байланысты нығайтып, дамыту; 
- кафедра бейіні бойынша жоғары кәсіптік және жоғары оқу орнынан кейінгі МЖМБС білім беру бағдарламаларын жүзеге асыру; 
- мамандарды дайындау сапасының кафедраішілік жүйесін әзірлеу; 
- барлық сабақ түрлерін оқыту нысандары бойынша өткізу; 
- кафедра қызметкерлерінің  электрондық үлгерім журналын педагогикалық жүктемеге сай жүргізу; 
- қызметкерлердің оқу, әдістемелік, клиникалық, ғылыми жұмыстары және студенттермен тәрбие жұмыстарының жоспарланған, ағымдағы мәселелерін талқылау бойынша кафедра отырысын өткізу; 
-кафедра пәндері бойынша оқу бағдарламаларын әзірлеу; 
-кафедра бейіні бойынша  кешенді оқу-әдістемелік және ұйымдастыру-әдістемелік  оқу процесін қамтамасыз ету; 
-кафедраның жұмыс жоспарларын және оқытушылардың жеке жұмыс жоспарларын әзірлеу; 
-барлық сабақ түрлерін өткізу, ғылыми-зерттеу жұмыстарына, магистрант, PhD докторант диссертацияларына жетекшілік ету; 
-кафедрада ғылыми-зерттеу жұмыстарын  жүргізу және инновациялық технологияларды апробациядан өткізу; 
-оқулықтарды, оқу құралдарын және басқа да ғылыми/оқу, оқу-әдістемелік әдебиеттерді баспадан шығару; 
-практикалық денсаулық сақтау жүйесіне ғылыми-зерттеу нәтижелерін енгізу (қорғалатын құжаттарды, практикалық денсаулық сақтау жүйесіне енгізу актілерін, патенттерді алу); 
-білім алушыларды ғылыми-зерттеу жұмыстарына тарту (СҒО, СМУ, жасалып жатқан ғылыми-зерттеу жобалары); білім алушының ғылыми жұмыстарының жариялануын қамтамасыз ету, оның ішінде халықаралық рецензияланған журналдарда жариялануын қамтамасыз ету; білім алушының қатысуымен қорғалатын құжаттарды алу; білім алушылардың олимпиадаларға, ғылыми-практикалық конференцияларға, ғылыми жұмыстар байқауларына қатысуын қамтамасыз ету; 
-ғылыми-зерттеу жұмыстарының нәтижелілігіне қол жеткізу: импакт-факторы жоғары журналдарға мақалалар жариялау; Қазақстан Республикасында, ТМД елдерінде және алыс шетелдерде мақала жариялау;
- республикалық, халықаралық жиналыстарда бейін бойынша мамандарға білім беру мүмкіндігін қамтамасыз ету және рецензияланатын басылымдарға  мамандық бойынша  қол жеткізген ғылыми нәтижелерін жариялау; 
-ғылыми-педагогикалық қызметкерлерге профессор, доцент, құрметті атақтарын беру туралы қолдаухат беру. Үздік оқытушылардың жұмыс тәжірибесін зерделеу, талдап қорыту және тарату, жас оқытушыларға педагогикалық шеберлікті меңгеруіне көмек көрсету;  
-кафедра оқытушыларының және қызметкерлерінің жеке жоспарларын және басқада атқаратын жұмыстарын сапалы орындауын бақылау; 
-әр бейін бойынша емдеу жұмыстарын атқару (науқастарды курациялау, әртүрлі емдік-диагностикалық және басқа да процедуралар мен манипуляциялар жасау); 
-Университет басшылығы мен деканаттар ұйымдастыратын қоғамдық және мәдени-бұқаралық іс-шараларға қатысу; 
- ЖОО ішінде және ЖОО аралық деңгейде даярлау бағыттары бойынша оқу-әдістемелік комиссияның жұмысына қатысу;  
-кафедраның сапа саласындағы мақсаттарын анықтау және белгілеу, кафедраның сапа саласындағы мақсаттарына жетуі бойынша іс-шараларды  әзірлеу;  
-кафедра қызметкерлерін еңбек құрал-жабдықтарымен қамтамасыз ету:  материалдық-техникалық құралдарға қажеттіліктерді анықтау және оларды сатып алуға өтінімдер жасау.

Қызмет

Ғылыми-зерттеу жұмысы:  
«АстМУ» АҚ балалар хирургиясы кафедрасы ғылыми, клиникалық және әдістемелік жұмыстарды баспадан шығарды (450-ден астам ғылыми жұмыс). Олардың қатарында 5 монография, 17 оқу-әдістемелік құрал бар. Кафедра қызметкерлері  өнертабысқа 50-ден астам патент және авторлық құқық алды. 1 докторлық диссертация, 13 кандидаттық диссертация, 3 РhD докторлық диссертация, 6 магистрлік диссертация қорғалды. Қазіргі  таңда (2021 ж.) кафедрада 5 РhD докторант білім алып жатыр. 1980 ж. бастап кафедрада ғылыми студенттік үйірме жұмыс істейді. Үйірмені м.ғ.д., профессор В.М. Лозовой, балалар хирургиясы кафедрасының қауымдастырылған профессоры, м.ғ.к. Р.А. Карабекова басқарып, жұмысын қадағалайды. Тоқсан сайын кафедра қызметкерлері Нұр-Сұлтан қаласының балалар хирургтары ассоциациясының конференцияларына қатысады. Жыл сайын балалар хирургиясы кафедрасының ғылыми студенттік үйірмесінің студенттері Бүкілресейлік ғылыми-студенттік конференцияларға қатысып 1-3 орын алды. Студенттер жас ғалымдардың, республикалық және халықаралық конференцияларға белсенді қатысып келеді. 2019 жылы кафедра қызметкерлері Орталық Азия балалар хирургтары қауымдастығының 1-съезіне белсенді қатысты. 
Клиникалық жұмысы:  
Кафедра оқытушылары жыл сайын 1,5 мыңға жуық науқасты қарайды және 5 мыңға жуық науқастарға кеңес береді, 400-ден астам операция жасайды. Практикалық денсаулық сактау қызметкерлерімен бірлесіп орташа есеппен 30-35 ғылыми жұмысты баспадан шығарады.   
Тәрбиелік жұмысы:  
«Жалпы медицина» факультетінің курацияға бекітілген топтарымен балалар хирургиясы кафедрасы қызметкерлері оқу кезінде, оқудан тыс кезде, жатақханадағы «кафедра күндерінде» тәрбиелік жұмыстар жүргізеді.

Жетістіктер

Кафедраның  80% ғылыми дәрежесі бар қызметкерлер, 1 медицина ғылымдарының докторы, 6 медицина ғылымдарының кандидаты, 3 PhD докторы, 5 PhD докторанты, оқытудың 4-жылындағы 3 резидент, оқытудың 1-жылындағы 2 резидент. 
Кафедраның негізгі ғылыми бағыттары балалар хирургиясының, травматологияның, урологияның және нейрохирургияның өзекті тақырыптары бойынша емдеу әдістерін әзірлеу және оларды жетілдіру.  Кафедра құрылған күннен бері  500 астам ғылыми мақала жарық көрді, оның ішінде 5 монография, 17 оқу құралы, өнертабысқа 50-ден астам патент және зияткерлік меншік куәлігі алынды. 
2008 жылдан бастап кафедрада резидентура ашылды. Кафедрада  25 резидент білім алып шықты. 2011 жылдан бастап магистратура, 2010 жылдан бастап PhD докторантурасы ашылды. Осы  жылдары 6 медицина ғылымдарының магистры және 3 PhD докторы даярланып шықты.  
Кафедра ОПҚ-сы кәсіби даярлықты (тұрақты тақырыптық және кәсіби жетілдірулерді) үнемі жетілдіріп отырады, 2019-2021 жылдары кафедра қызметкерлері педагогика және клиникалық бағыттағы білімін жетілдірудің  30 - дан астам циклінен өтті, олардың 3-еуі алыс шет елдерде. 
Кафедра қызметкерлері практикалық буын дәрігерлеріне арналған оқыту бағдарламаларын – мастер-кластар ұйымдастыруға және өткізуге белсенді қатысады.  
Оқытудың тиімділігін арттыру үшін оқытушылар жаңа білім беру технологияларын (НОТ) қолдана отырып сабақтар өткізеді. 2001 жылы "E-learning" білім беру технологиясы әзірленді және білім беру процесіне енгізілді (PhD докторы А.К. Досанова).  
ОПҚ біліктілігін арттыру курстары: 
- "Білім беру және ғылыми ұйымның оқытушысы" жас педагог мектебі аясында, 13.05.19-24.05.19 ж. ж.
- "Тест тапсырмаларын құрастыру әдістемесі", 19.10.19-31.10.19 ж. ж.
- "Клиникалық пәндердегі коммуникативтік дағдылар және медициналық этика", қазан-қараша 2019 ж.
- "Медициналық білім берудегі PBL инновациялық әдістемесі", 13.01.20 – 17.01.20 ж. ж.
- "Медициналық білім берудегі TBL инновациялық әдістемесі, 25.11.20-27.11.20 ж. ж.
- "Рецензияланатын журналда мақаланы қалай жазу және жариялау керек", 07.12.20-11.12.20 ж.
- "Педагогикада сана картасын қолдану", 19.11.20– 23.11.20 ж.
Кафедра қызметкерлері мастер-кластар мен семинарларға қатысты:
- Семинар "Медициналық этика және клиникалық пәндердегі коммуникациялық машықтар", 04.02.19-24.02.19 ж. ж.
- "Сәтті коммуникациядағы нейролингвистикалық бағдарламалау" семинары, 7.06.19 ж.
- «Балалардағы шеміршек және сүйек тіндерінің өсуі бұзылған қаңқаның туа біткен жүйелік ауруларын диагностикалау мен емдеудің заманауи тәсілдері» мастер-класы, 17.03.19-20.03.19 ж. ж. 
- "Балалардағы несептік-жыныстық жүйесі ағзаларындағы реконструктивті-пластикалық операциялар" мастер-класы, 9.05.19-14.05.19 ж. ж. 
- "Spina bifida мектептері" дәрістер курсы, 11-12. 04. 19 ж.
- Халықаралық қатысумен Ресейлік балалар хирургтарының VI білім беру форумы, 23.10.20-31.10.20 ж.
- Профессор Ю. А. Козловтың жаңа туған нәрестелерге, балалар мен жасөспірімдерге арналған эндохирургиясы, Иркутск, РФ, 05.02.21-11.02.2021 ж. 
Балалар хирургиясы кафедрасында 2018-2023 жылдары м.ғ.к., доцент Б.А. Досанов бастамашыл қолданбалы ғылыми-зерттеу жұмысын жүргізеді. Жұмыстың тақырыбы: "Балалардағы шеміршек және сүйек тіндерінің өсуі бұзылған туа біткен жүйелік қаңқа ауруларын қолданбалы зерттеу".
Шетелдік университеттермен ынтымақтастық туралы меморандум жасалды: Украина Ұлттық медицина академиясының Профессор М.И. Ситенко атындағы Омыртқа және буын патологиясы институты» ММ, Украина, Харьков. 2018-2022 жылдарға арналған 124-18-349 ғылыми-практикалық ынтымақтастық туралы № 23 шарт.

Байланыс деректері

Астана қ-сы, Манас к-сі 10, №2 ҚБА, тел.36-60-77