Назар аударыңыздар!

«Астана медицина университеті» акционерлік қоғамының «Астана медицина университеті» коммерциялық емес акционерлік қоғамы болып қайта құрылуына байланысты, университетте барлық нормативтік-құқықтық құжаттарды жаңарту бойынша жұмыстар жүргізілуде.

Жаналықтар

Астана медицина университеті жүзеге асыратын резидентураның білім беру бағдарламаларын сырттай бағалау мақсатында Тәуелсіз аккредиттеу және рейтинг агенттігінің сараптама комиссиясының жұмысы 2021 жылғы 19-24 сәуір аралығында өткізіледі. Басшылықтың талаптарына сәйкес, COVID-19-ға байланысты шектеу шаралары кезеңінде сыртқы сараптама комиссиясының сапары (соның ішінде аккредиттеуден кейінгі мониторинг бойынша сарапшылар тобының сапары) on-line түрде жүргізіледі деп шешім қабылданды.
Жоғары оқу орнынан кейінгі білім беру бағдарламаларына түсу ережелері өзгертілді. Енді докторантураға қабылдау электрондық форматта жүзеге асырылады. Өткен жылы бұл тәсіл магистратураға қабылдау кезінде тиімділігін көрсетті.
2021 жылғы 5-9 сәуір аралығында Университеттің оқытушы-профессорлар құрамы үшін «Ғылыми зерттеу әдістемесі» тақырыбында онлайн семинар өткізілді. Семинарды «№2 отбасылық медицина» кафедрасының доценті Гульнара Маратовна Камалбекова жүргізді. 
2021 жылдың ақпанынан бастап Қазақстанда халыққа ерікті вакцинация жүргізілуде. Қазақстан Республикасы Денсаулық сақтау министрлігінің жарлығына сәйкес вакцинаны, ең алдымен, денсаулық сақтау қызметкерлері, мемлекеттік қызметкерлер мен тәртіп сақшылары алып жатыр.
Бүгін, 2021 жылғы 6 сәуірде, практикалық денсаулық сақтау мекемелерімен мейіргер ісіндегі ынтымақтастықтың қазіргі тәжірибелері туралы Астана медицина университетімен е-бенчмаркинг аясында талқылау басталды. Іс-шара JAMK қолданбалы ғылымдар университеті мен Қарағанды медициналық университетінің қолдауымен AccelEd жобасы аясында ұйымдастырылды.
Ш.И. Сарбасова атындағы микробиология және вирусология кафедрасының аға оқытушысы, докторанты Мұсабай Қ.Н. Оңтүстік Қазақстан медициналық академиясы медицина факультетінің деканы Б.З. Долтаеваның шақыруымен 8-19 наурыз аралығында ОҚМА микробиология, вирусология және иммунология кафедрасынның 2 курс шетелдік топ студенттері үшін «Микробиология және иммунология-2» пәні бойынша онлайн сабақтар өткізді.
Астана медицина университетінің 2021 жылғы 5 сәуірден басталатын біліктілікті арттыру циклдерімен таныс болыңыздар.
Наурыз айының 25 жұлдызында Қазақтың келе жатқан жаңа жылына орай ұлттық мәдениетінімізді жаңғырту мақсатында «Ұлы Дала мәдениеті» іс-шарасы өткізілді. Шараның негізгі мақсаты – қазақ халқының теңдесіз мәдениетін жаңғырта отыра, салт-дәстүріміздің маңызын көрсету әрі Ұлыстың ұлы күнін атап өту.
Сіздерді 2021 жылдың 24-28 мамыр аралығында виртуалды кеңістікте өтетін VII Еуразиялық дерматология, косметология және эстетикалық медицина конгресіне қатысуға шақырамыз. Бұл медициналық іс-шара өзінің ауқымы мен мазмұны бойынша «Астана Медицина Университеті» ҚеАҚ-ы дерматовенерология және дерматокосметология кафедрасы ұжымының күшімен сегізінші рет өткізіліп, медициналық қоғамдастықтың ең белсенді бөлігі – дерматовенерология және дерматокосметология саласындағы мамандарды біріктіреді.
2021 жылдың 22 ақпаны мен 5 наурыз аралығында «Қарағанды медицина университеті» КЕАҚ ректоры, ҚДС және Э кафедрасының аға оқытушысы Г.К. Ерденованың шақыруымен Қоғамдық денсаулық және биомедицина мектебінің базасында академиялық ұтқырлық қашықтықтан өтті.